ብስም ህዝብን ሃገርን ኤርትራ ፖለቲካዊ ወሻሽም ክቐያይር ዝመሰዮ፣ ግንከኣ ብግዝያዊ መንግስቲ ጥራይ ን27 ዓመታት ተለኽ ዝብል ዘሎ ጉጅለ ህግደፍ፡
ሃገራዊ ፖለቲካዊ ስልጣን ምስተቖጻጸረ’ውን እቲ ዝለመዶ ገልበጥበጥ፣ ጥልመት፣ ጭካነ፣ ሓሶት፣ ሕርያ ጎይቶትን እሙን ተለኣኣኺ ምዃኑ ንምርግጋጽ ብዋጋ ህይወትን መጻኢ ዕድልን ህዝብታት ኤርትራ ክጣላዕ ‘ምበር፡ ህዝባውን ሃገራውን ረብሓን ክብርን ዝሰረቱ ንጹር መትከል ወኒኑ፡ ኣብዝን ብኸምዝን ክሰማምዕ ይኽእል’የ፡ ኣብዝን በትን ግን ኣይሰማምዕን ዝበለሉ፡ ካብ ተራ ፕሮፖጋንዳ ዝዘለለ ኣይተራእየን ኣይተሰምዐን። ናይ ሓደ መንግስቲ ፖለቲካዊ መትከል’ኮ ህዝቢ ዘይፈልጦ እቲ መሪሕነት ጥራሕ ዝፈልጦ ስውር ክኸውን ኣይክእልን። ናይ ሓደ መንግስቲ ራእይ፣ ስትራተጂ፣ ፖሊሲ ንዜጋታት ጥራሕ ዘይኮነ ክፈልጥ ንዝደሊ ፈታውን ጸላእን ብዘየደናግር ብግልጺ እኮዩ ተሰኒዱ ክቕርብ ዘለዎ። ፖለቲካዊ ራእይ ወይ መትከል’ኮ ናይ እግረ መንገዲ ስራሕ ኣይኮነን። ብቐጥታን ብተዘዋዋርን ተሳትፎ ዜጋታት ኣብ ዝተረጋገጸሉ ወግዓዊ መድረኽ፡ ከም ኣርእስቲ ተላዒሉ፡ ነጥቢ ብነጥቢ ክትዕ ተኻይድሉን ብምሉእ ወይ ብኣብዝሓ ድምጺ ኣብ ስምምዕ በጺሑ ምስተሰነደን እኮዩ ብውሕዱ መትከልና ብሕጋዊ ሰነድና ተባሂሉ ክዝረበሉ ዝኽእል።
ዘነይት ህዝባዊ ሃገራዊ መትከል ዘለዎ መንግስቲ’ኮ፡ ቅድም ቀዳድም ሃገራዊ ሰላም’ዩ ዘስፍን። በተሓሳስባን ብተግባርን ደሞክራስን ደሞክራስያዊ ትካላትን ህይወት ረኺቡ ብነጻነት ክዋሳእን ክዕንብብን’ዩ ዝገብር። ኣምር ሕግን ልዕልና ግዝኣተ ሕግን ኣብ ኣእምሮ ህዝቢ ክሰርጽን ብተግባር ክትርጎምን’ዩ ዝሰርሕ። ድሕረትን ድኽነትን ካብ እንግድዓ ህዝቢ ንምውጋድ ዝዓለመ ዝተጸንዐን ፖሊሲ ልምዓትን ምዕባለን’ዩ ዝኽተል። ኣብ ሓባራዊ ረብሓን ምክብባርን ዝተሰረተ ግሉጽ ናይ ወጻኢ ፖሊሲ ሒዙዩ ዝምድና ዝምስረት። እዚ ናይ ግድን ክህሉ ዘለዎ መሰረታዊ ረቋሒታት’ዚ ህግደፍ ኣብ ዘመሓድራ ዘሎ ናይ ሎሚ ኤርትራ ይትረፍ ብተግባር ከም ሓሳብ ኣሎ ድዩ? መልስና የለን’ዩ። ኣብዘይ ህላወ’ዚ መሰረታዊ ነጥብታት፡ መንግስቲ ኤርትራ ትማልን ሎምን ጽኑዕ ኣመትከሉ ዝብል ደኣ ከባይ ይብገስ? መልስና ሕጂ’ውን ካብ ፖለቲካዊ ስድነት።
ምኽንያቱ እቲ ኢና ዝበሃል ዘሎ ካብ ፖለቲካዊ ስድነት ዝምንጩ ምዃኑ፡ ጭቡጥ ህልዊ ኩነታት ህዝብታት ኤርትራ ምስክር’ዩ። ካብ ሰላም ተስፋ ሰላም የለን። ካብ ደሞክራሲ ጨና ደሞክራሲ የለን። ካብ ሕጊ ኣሰር
1
ካብ’ዚ ጥረ ሓታት’ዚ ንምህዳም፡ ኣብ 1998 ብባርኾት ምምሕዳር ዋሽንግቶን ወራር ተፈጺሙና ብጽንዓት መኪትና ስዒርና፡ ኣብ ሕጋዊ መድረኽ ተማጒትና ባድመ ኣምሊስና፡ ብዝቐደሙን ዝደሓሩን ምምሕዳር ዋሽንግቶን ተዘሪና ፍትሒ ስእኒና፡ ዝመጽአ ይምጻእ ግን መንግስቲ ኤርትራ ወትሩ ኣብ ነቕ ዘይብል ሓራ ፖለቲካዊ መትከሉ ክደጋግም ይስማዕ። ፖለቲካዊ መትከልን ቋንቋ ሕግን ምስ ምልቃቕን ዘይምልቃቕን ቁሸት ባድመ ጥራሕ ከም ዝሰርሕ ገይሩ’ውን ይሰብኽ። ከም ጽንዓት ኣብ መትከል ገይሩ ይምህረሉ። ልዕሊ ባድመ፡ ዝጠፍአ ዘሎ ህዝቢ፡ ዝበርስ ዘሎ መንነት፡ ዝጉሕጓሕ ዘሎ ማዓድናዊ ጸጋታት ሃገር፣ ዝካረ ዘሎ ልኡላዊ ግዝኣት፣ ዝድወን ዘሎ ፖለቲካዊ ምስሊ ከም ዝቅድምን ከም ዝዓብን ኣይስቆሮን ወይ ኣየገድሶን።
ብሓልዮት ደሞክራስያዊ ግንባር ሓድነት ኤርትራ ዝፍኖ፡ ድምጺ ሰላምን ደሞክራስን ኤርትራ 20-04-2018
Recent Comments