ክሳብ ምዓስ እዩ መንግስቲ ኣሜሪካ፣ ፖሊስ ዓለም ኮይኑ ክዕንድር ክነብር? ንመረዳእታ፣ ፕረሲደንት ትራም ኣብ ውሽጢ ኣሜሪካ ዘሎ ዘይተኣደነ ሽግር ክፈትሕ እየ ኢሉ ኣብ እዋን ምርጫ ከምዘይግዓረስ፣ ድሮ ነቲ ዝተመባጽዖ መብጽዓታት ረሲዑ፣ኣዲኣ ገዲፋ ሓትኖኣ ትናፍዕ ይገብር ኣሎ። እዚ ፕረሲደንት ትራም ዝገብሮ ዘሎ ካብ ዜሮ ዝተላዕለ ዘይኮነስ መድብን ፕሮጀክትን እቶም ንዓለም ክገዝኡዋ ዝሓልሙ ዘለው ሃጸያውያን እዮም። እወ፣እተን ቀንዲ ፎርሙላታት እቲ ፕሮጀክት መንግስቲ ኣሜሪካ ዝጥቀመለን ድማ፣እዘን ዝስዕባ እየን፣ንንቡር ብጸረ ንቡር ኣዕኒኻ = ዘይንቡር (Theses-Antitheses= Syntheses) ምምስራት። ወይከኣ መሰረታዊ ሽግር ኣብ ክንዲ ምፍታሕ፣ ጓል ነገር ኣልዒልካ፣ ኣብ ፍታሕ ከይበጻሕካ ኣብ ዕንክሊል ምንባር Problem – Reaction = Solution እየን። እዚ ድማ ካብቲ ንቀያሕቲ ህንዳውያን Red Indians ኣጽኒቱ፣ ንመሬት ሜክሲኮ (መላእ ካሊፎርንያ ተክሳስ ወዘተ) ዘሚቱ፣ ንጸለምቲ ኣፍሪቃውያን ከምባረዩ ገሩ ንረብሓኡን ምዕባሌ ሃገሩ ዝተላገጸሎምን  ዘመን ጀሚሩ፣ ክሳብ ሎሚ ዝጥቀመሉ እከይ መስርሕ እዩ። እቶም ደቀመዛምርቲ ትራም ዝኾኑ ጭፍራ ህግደፍን ወያኔን ዝዘውትሩዎ ዘለው መደብ ዕዮ እንተድኣ ኣስተብሂልናሎም፣ በዘን ኣብ ላዕሊ ዝተጠቕሳ ፎርሙላታት እዮም ዝነብሩ ዘለው። ንኣብነት፣ ሰውራ ኤርትራ፣ንነጻነት ሽግር ኤርትራ ንምፍታሕ(Problem) ማለት ኤርትራ ነጻ ንምውጻእ (Solution)፣ ዝብል ዓላማ ኣደስኪሉ፣ ውግእ ሓድሕድ ጀብሃን ሻዕብያን (Reaction)ኣባሪዑ። ሃገር ምስገበተ ድማ ሕግን ስርዓትን ኣብ ክንዲ ዘጽድቕ በብዓይነቶም ውግኣት ምስ ጎረባብቲ ሃገራት ወሊዑ። ወያኔ እንተኾነውን፣ ሓባራዊ ጸገም ህዝቢ ኢትዮጵያ ኣብ ክንዲ ምፍታሕ፣ እንጻር ኦሮሞን ሶማልን ኤርትራንኲናት ወሊዑ። ሻዕብያን ወያኔን ተዘራርዮም ንመንግስቲ ኢትዮጵያ ስዒሮም ከብቅዑ፣ እንደገና ብዶብ ማዱመ ኣመኽንዮም ካብ 200.000 ዝበዝሑ መሳኪን ደቂ ሃገር ኣጽኒቶም። ሕጂ ከኣ መሰረታዊ ፍታሕ ረሲዖም ኣብ ጓል ነገር Problem-Reaction = Solution ዕንክሊልክብሉ ንዕዘቦም ኣሎና።

BY ANDREW CHEETHAM ON 21 SEPTEMBER 2017 GMTWAR AND TERROR WORLD NEWS